Mostrando entradas con la etiqueta obradoiro. Mostrar todas las entradas
Mostrando entradas con la etiqueta obradoiro. Mostrar todas las entradas

viernes, 21 de noviembre de 2014

Tarefa do Módulo 3: "Obradoiro de Busca Activa de Emprego para persoas paradas de longa duración e maiores de 45 anos"


   

1. DENOMINACIÓN
Obradoiro para aprendizaxe de Busca Activa de Emprego para persoas paradas de longa duración e maiores de 45 anos.

2. XUSTIFICACIÓN

Nos tempos actuais a incorporación ao mercado laboral estase a converter nunha ardua tarefa para moitas persoas e xa non só aquelas con escasa cualificación , senón para todo o colectivo de persoas en xeral. Se a esa situación sumámoslle que moitas persoas non contan con estratexias e recursos esenciais para que a busca de emprego, a creación de programas de orientación laboral vólvense primordiais para a consecución dunha inserción laboral exitosa. A acción está pensada para motivar as persoas participantes, a través da identificación e valoración das súas potencialidades persoais e profesionais,  co obxectivo último de todo proceso de orientación, é dicir, a realización do seu proxecto profesional ou polo menos a adquisición de autonomía persoal para afrontar os procesos de procura de emprego con confianza e criterio. 


3. OBXECTIVOS


o Xeral
- Contribuír á mellora da situación laboral das persoas que se atopen en situación de desemprego.

o Específicos
- Proporcionar información sobre diferentes recursos e estratexias que melloren a empregabilidade das persoas destinatarias.
- Axudar ás persoas a coñecerse mellor e aumentar así, as súas posibilidades de insertarse no mercado laboral.
- Apoiar e asesorar no proceso de busca de emprego.

3. COLECTIVO AO QUE VAI DIRIXIDO

Persoas paradas de longa duración, con escasa formación, sen experiencia ou con escasa experiencia, ou de sectores en declive, que queiran orientar ou reorientar a súa vida profesional u actualizarse nas novas tendencia na busca de emprego.


4. TEMPORALIZACIÓN  DO OBRADOIRO
Duración da sesión 1: 4 horas
Duración da sesión 2: 5 horas
Duración da sesión 3: 5 horas

Reparto das sesións: Unha cada 15 días, desenvolvendo o obradoiro nun total de 3 días .

Duración total: 14 horas


5. METODOLOXÍA

En canto á metodoloxía empregada dicir que, fundamentalmente, terase en conta as características específicas das persoas participantes. Entre algúns aspectos a considerar, destacan os seguintes:

- Posibilitar que as persoas sexan o máis autónomas posible ao longo de todo o proceso.

- O aprendizaxe debe ser aberto, isto é, a formación debe estar planificada dende un principio pero debe ter un carácter aberto e flexible ás condicións que se van dando ao longo do proceso de ensinanza-aprendizaxe.

- Unha metodoloxía activa pois deben ser as persoas participantes quen vaian construindo o seu proxecto profesional a partir das estratexias e ferramentas que se lle proporcionen.

- Coordinada dende o inicio do programa ata o final, cos distintos/as profesionais.

- A intervención consistirá principalmente en actividades prácticas, individuais e grupais.

As individuais serán exercicios de autoanálise e poden facelos con absoluta tranquilidade, con toda sinceridade porque serán persoais. As prácticas grupais buscarán a participación activa de todas as pque formen parte do alumnado do Obradoiro, procurando xerar unha comunicación fluída e optimista, na cal o logro dos propios obxectivos móstrase alcanzable.

Todo isto será completado con aclaracións puntuais e consideración teóricas curtas, nos momentos oportunos. Así mesmo, ao final das sesións ou ao principio das seguintes, faranse recapitulacións das consignas principais ou conclusións ás que chega o grupo.

En canto a composición dos grupos, formaranse a partir dun colectivo definido, grupos de máximo 15 persoas e a través dunha valoración previa, con distintos criterios como poden ser idade, actitudes, habilidades, experiencia, sexo, de xeito que favoreza a consecución dos obxectivos establecidos.

Os grupos deben estar equilibrados, para que permitan formar subgrupos de compoñentes con perfís semellantes pero diferentes entre eles, porque sería contraproducente unha homoxeneidade tipo: 15 persoas desempregadas de longa duración, maiores de 45, con experiencia na construción.

A persoa facilitadora procurará:

1. Favorecer a reflexión persoal.
2. Facilitar a confianza e comunicación no grupo.
3. Promover a intervención do grupo para potenciar ás persoas compoñentes.
4. Redireccionar o discurso para que se centre na solución de problemas e se alongue do relato sobre os mesmos.
5. Resumir as actividades de cada sesión, destacando aqueles elementos clave que as persoas teñen que gardar na súa bagaxe de recursos para enfrontarse a situacións semellantes.


















6.  ACTIVIDADES A DESENVOLVER


1ª SESIÓN. PRESENTACIÓN


1. Presentación do Obradoiro
• Presentación da persoa encargado do obradoiro.
•Expóñense os obxectivos e o programa do Obradoiro.
• Explícase a metodoloxía.
• Faise unha breve introdución teórica sobre a importancia do autonálise, coñecer os nosos puntos fortes e febles, para potenciar os primeiros e minimizar os segundos.

Duración: 60 minutos

2. Breve presentación das persoas participantes
• Colocados en círculo, deberán dicir nome e apelidos, ocupación e sector económico da empresa da última experiencia laboral, a cualidade persoal e/ou profesional que máis valora e que espera conseguir desta acción formativa.
• Na explicación inicial da actividade, comunicámoslles que ao acabar a rolda de presentacións pediráselles que conten ao grupo unha situación na que saia a relucir esa cualidade.
• A persoa docente do Obradoiro recollerá os datos das intervencións para traballar posteriormente con eles.

Duración: 60 minutos

DESCANSO 30 MINUTOS

3. Posta en común
• As persoas participantes exporán ao grupo esa vivencia
• Os demais irán tomando nota: nome, cualidades e observacións sobre a intervención. Por exemplo;
- Axústase a vivencia ao que quería amosar? 
- Ves outras cualidades? (Esas notas non se farán publicas pero as usarán para outra actividade máis adiante.)

Duración: 60 minutos

4. Traballo persoal
• Reflexionar sobre as súas características persoais, a través dunha batería de preguntas
• Tomar conciencia das que lle producen máis problemas. 

Duración : 30 minutos

5. Resumo da actividade
• Recollida de conclusións
• Indicacións para a seguinte sesión. 

Duración : 30 minutos

Indicación para a seguinte sesión: Deben traer as notas tomadas sobre ás exposicións dos compañeiros e compañeiras. Mesmamente, deben traer os cuestionarios contestados (simplemente para comprobar que os contestaron.)

2ª SESIÓN PARTE A. DESCUBRIR O POSITIVO

Obxectivos:
• Ser capaces deidentificar as boas cualidades dos demais.
• Descubrir  cualidades ata agora ignoradas en cada un/unha.

1. Presentación da actividade
• A persoa docente pon en situación ao grupo dicindo que, na vida diaria, damos e recibimos máis caricias negativas que positivas. As persoas observamos máis os defectos que as cualidades dos demais. Agora todo o alumnado deste obradoiro terá a oportunidade de destacar unha cualidade positiva das compañeiras e compañeiros que teñen.

2. Traballo persoal
•  Dinámica da papeleta: Distribúese unha papeleta onde cada integrante do grupo debe realzar unha cualidade da persoa que teñen a súa dereita e non debe coincidir coa nomeada na sesión anterior pola mesma.
• A papeleta deberá ser completamente anónima, sen ningunha identificación. Por iso, non deberá constar o nome da persoa da dereita e tampouco se deberá asinar.
• A continuación, pediráselle a todo o alumnado do Obradoiro que dobren as papeletas e recóllense e redistribúense.

3. Posta en común
• Feita a redistribución, comezando pola dereita, un a un, irán todos lendo en voz alta a cualidade que consta na papeleta, e irán asignando á persoa do grupo a quen, segundo ao seu entender, axústaselle mellor. Só poderán asignarlla a unha persoa e deberán manifestar moi brevemente porque cren que esa cualidade a caracteriza.
• Pode suceder que unha mesma persoa do grupo sexa sinalada máis dunha vez como portadora de cualidades; por iso, ao final cada unha dirá publicamente a calidade que asignou á persoa da súa dereita.
• Ao final, a persoas docente do Obradoiro pídelles aos participantes que dean as súas testemuñas sobre o vivenciado en todo o decorrer do exercizo.

Indicación a ter en conta: falarase sempre de cualidades positivas, nunca de defectos.

Duración: 120 minutos aproximadamente.

DESCANSO 30 MINUTOS

2ª SESIÓN PARTE B. ACENTUAR O POSITIVO

Obxectivos-:
• Conseguir que as persoas poidan derrubar as barreiras impostas por elas mesmas.
• Mellorar a imaxe das mesmas mediante o intercambio de comentarios e cualidades persoais.

1. Presentación da actividade
• A persoa docente fai unha breve introdución da actividade, incitando a todo o grupo á reflexión: moitos medramos coa idea de que o autoeloxio non é correcto.
• Con este exercizo intentamos cambiar esa actitude ao facer que equipos de dúas persoas compartan algunhas cualidades persoais entre si.

2. Posta en común
Neste exercizo, cada persoa dálle ao seu compañeiro ou compañeira a resposta a unha, dúas ou as tres dimensións seguintes que se lles suxiren:

• Dous trazos físicos que me agradan de min.
• Dúas calidades de personalidade que me agradan de min.
• Unha capacidade ou pericia que me agradan de min.

Explicamos que cada comentario debe ser positivo. Non se permiten comentarios negativos. Indicarémoslle unhas preguntas para a súa reflexión, por exemplo;

• Cantos de vostedes, ao escoitar a tarefa asignada, sorriron lixeiramente, miraron a persoa que teñen ao seu carón e dixeron, "Ti primeiro"?
• Foi difícil sinalar unha cualidade ao comezar o exercizo?
• Agora, como considera o exercizo?

3. Traballo persoal
Reflexionar sobre os seus intereses e motivacións profesionais no marco da súa dispoñibilidade, por medio dun cuestionario preparado pola persoa Orientadora, que será empregado en futuras accións cara á procura da súa inserción laboral.

4. Conclusión da sesión
Indicación para a seguinte sesión: Pediráselles que acheguen o Currículum Vitae que nestes momentos utilizan para a súa busca de emprego.

Duración: 120 minutos aproximadamente.

3ª APRENDIZAXE DE FERRAMENTAS PARA A BUSCA DE EMPREGO: CV, Carta de presentación e marca persoal



Obxectivos:
• Autoanalizarse  para saber definir os obxectivos laborais e diferenciarse das demais persoas. 
•Coñecer o o mercado laboral ao que se quere acceder.
• Elaborar o plan de acción a seguir no traballo de buscar emprego.
• Diseñar e/ou reelaborar diferentes Currículums Viate e Cartas de presentación acordes aos mesmos. 


1. Presentación da actividade
De xeito individual comezarán a definir o seu proxecto profesional cara onde queren comezar a busca de emprego. No que terán que ser quen de definir os seus intereses, acordes claro está, as súas necesidades e valores para ser quen de realizar diferentes Currículum Vitae.

2. Realización dos Currículum Vitae 
Unha vez entregadas as pautas cada persoa realizará os seus CV: O Currículum Europeo e outro máis persoal.

3. Realización das Cartas de Presentación 
Unha vez entregadas as pautas cada persoa realizará as súas Cartas de Presentación..

4. Construción da Marca Persoal 
A Marca Persoal ou o Marketing persoal serven para acadar e ser quen de destacar frente ao resto de persoas competidoras e reforzar o valor como profesional. Polo tanto, é fundamental ser conscientes da pegada deixamos nas demais persoas, o que creen que podemos aportarlles.

Deben polo tanto: diferenciarse das demais persoas, ser visibles para as empresas e a nova clientela, posicionarse como persoas expertas e relevantes no seu campo profesional, pasar a ser a "demanda" en vez da "oferta".

A persoa docente guiará ao alumnado a "identificar e comunicar aquilo que lles fai destacar, ser relevantes, diferentes e visibles nunha contorna homoxénea, competitiva e cambiante", é dicir, a identificar os seus valores principais, e como comunicalos de tal xeito que se diferencien do resto da xente. A idea é xestionar a súa"imaxen" como se fose unha"marca".

Os obxetivos a acadar neste punto son: 
•Determinar o rumbo que queren tomar para desenvolver a súa marca persoal, 
• Determinar os seus obxectivos profesionais; en que sector ou sectores queren traballar, se prefiren ser persoas emprendedoras ou non, as empresas nas que lles gustaría traballar.
•Definir unha profesión que lles diferencie do resto, especializándose. "Inventar" unha profesión con tres apelidos que especifique exactamente o que fan. 
•Construir a Marca Persoal 2.0, o que implica estar presente en distintos medios;
  • Redes Sociais: o dideal é ter presencia en Twitter e en Linkedin. Twitter: é unha ferramenta excelente para posicionarse e consolidarse como persoas líderes (conseguir seguidores "followers") e expoñerse as empresas. Linkedin: é perfecto para construir o perfil profesional. É como o Google dos e das profesionais. Cando unha empresa busca profesionais Linkedin é a súa referencia e senon están en Linkedinlimitan as súas posibilidades.
  • Eventos (charlas, coferencias...): Son un sitio magnifico para gañar exposición fronte a outros profesionais e empresas, consolidando a reputación e entablando novas relacións con outras persoas profesionais dos sectores que lle interesan. Poden dende gravarse en video, sacar fotos do envento e compartir despois nas súas redes sociais para amosar os seus coñecementos.
  • Blog: os Blogs estánse consolidando como plataformas da Marca Persoal. Un Blog dalles autoridade e permítelles crear contido único e relevante para o público ao que se dirixen. É,, polo tanto,unha ferramenta excelente para atopar traballo xa que vale máis que calquer CV pois permite amosar os coñecementos que se teñen.
  • Publicacións: Tanto de libros como de vídeos, artículos... aumenta os indicadores de credibilidade e liderato como profesionais.




Facer "Networking", ou o que é o mesmo ampliar a rede de contactos para acadar máis oportunidades de traballo. Pódese facer en eventos, conferencias, charlas ou a través das Redes Sociais, por exemplo; buscando profesionais afins en Linkedin, facendo un listado de empresas onde lles gustaría traballar,  busca das persoas profesionais que traballan nesas empresas contactando con elas e/ou mandándolles un correo-e, creando e mantendo as relacións, buscando a creación de oportunidades...

Duración: 120 minutos aproximadamente.

4ª SESIÓN TOMAR CONCIENCIA DO NOSO POTENCIAL

Obxectivo:
• Tomar conciencia de todas as competencias que puxemos en xogo ao longo da nosa traxectoria profesional e enfocalas cara á outras saídas profesionais

1. Presentación da actividade
A persoa docente dividirá o grupo en subgrupos de tres integrantes, cun perfil semellante procurando que a última ocupación desempeñada por cada persoa pertenza a mesma familia profesional.

• Prestámoslles diferentes ferramentas para axudarlles na reflexión sobre esas variables: listaxe de verbos acordes aos intereses profesionais poder comezar a busca, listaxe de adxectivos persoais, listaxe de valores profesionais, etc.

Duración: 120 minutos

2. Posta en común

• A partir das funcións e tarefas que teñan recollidas no Currículum, o subgrupo traballará a posta en común nun único documento de todas, cunha orde e criterio, e procurando afondar e ampliar nas descricións das mesmas.
• O seguinte será que cada subgrupo identifique as competencias técnicas partindo do recollido no documento elaborado segundo o apartado anterior.
• Cada subgrupo exporá ao grupo as funcións ou tarefas do documento elaborado e entre todos/as, mediante chuvia de ideas, identificarán as competencias transversais que entran en xogo no desempeño das mesmas.

Duración: 180 minutos

3. Conclusión avaliativa da sesión
• Con toda a información, farase unha análise de coincidencias e diferencias entre os distintos perfís traballados polos subgrupos.
• Toda esa información será recollida pola persoa docente para ser tratada e entregada posteriormente as persoas participantes.

Duración: 60 minutos

7. RECURSOS E MATERIAIS NECESARIOS
• Profesional especialista da orientación laboral.
• Aula cun mínimo de 2m2 por discente.
• Iluminación, temperatura e ventilación agradable, é dicir, boa iluminación e ventilación, natural se fora posible, temperatura duns 20º C.
• Mobiliario: cadeiras con mesa incorporada, mesa grande e cadeira individual
• Equipo e material: ordenador portátil con acceso a internet, impresora, equipo audiovisual compostos por un reprodutor de vídeo, proxector de transparencias ou un ordenador con canón para proxectar presentacións, pantalla, taboleiro, rotuladores para o taboleiro, borrador, material de oficina (folios, bolígrafos, Pen drive...)
• Recursos didácticos: cuestionarios de autocoñecemento, motivación, de vocación e de competencias 

8. AVALIACIÓN E SEGUEMENTO


   O obxectivo da avaliación  é organizar a recollida de información mediante un conxunto de instrumentos cuxa aplicación permitirá coñecer os niveis de eficacia e eficiencia que se están alcanzando na formación e, en consecuencia, se poidan tomar decisións que tendan a mellorar este proceso.Todo iso consiguese mediante un proceso sistemático, obxetivo e útil polo que a avaliación se levará a cabo ao longo de todo o proceso. Nun inicio, para detectar posibles deficiencias e debilidades no obradoiro, así como potencialidades dos usuarios/as que se poidan aproveitar durante o programa de formación. Durante a implementación do programa, para diagnosticar algún problema ou algún aspecto que fose necesario adaptar, en definitiva, verificar que o que se está facendo é o correcto e para levar a bo fin o traballo que se está realizando. Por último, ao finalizar o programa xa que hai que ter en conta que a aplicación do programa do obradoiro conduce á obtención duns determinados resultados. Estos deben  ser analizados en profundidade pois, en gran medida, reflejaxarán o grado de eficacia da función formativa.Un dos aspectos máis importantes a ter en conta é que a avaliación debe ser rigurosa. Antes de poñer en práctica o programa de formación,  deben marcarse uns criterios válidos xa que a partir deles se obterá a información que permita medir la eficacia do Programa.Os obxetivos básicos que persegue unha avaliación serán:
    -  Determinar se os obxectivos e contidos son coherentes coas necesidades detectadas nos alumnos/as. Esta avaliación se corresponde coa inicial.
   - Valorar se os obxetivos fixados se están conseguindo da forma máis efectiva. Esta avaliación se trata da avaliación de proceso.
-  - Controlar os dous puntos anteriores, de forma que se non se producen os resultados esperados nos permita identificar os cambios e modificacións necesarios para a súa mellora.
Os instrumentos a utilizar na recollida da información serán: 


 Cuestionario de avaliación do formador: Este cuestionario será cumplimentado polos participantes, unha vez terminada a formación, e ten como finalidade recoller a valoración que fan sobre o formador do curso. 
 Cuestionario de avaliación da formación: Será cumplimentado polos participantes, ao finalizar o curso, ten como fin recoller a satisfacción dos/as participantes da formación. 
 Observación: Este instrumento utilizarase ao longo de toda a acción formativa.
 Entrevistas

Levarase a cabo tamén un seguemento meses máis tarde, polo que acordaremos realizar unha entrevista con cada uno/unha dous meses despois. 

Indicadores:
• Actitudes
• Linguaxe non-verbal
• Participación e Implicación nas actividades
• Cumprimento das tarefas encomendadas
•  Satisfacción
•  Interese
•  Asistencia 

Enfoque: cambios, variacións
Cualificación: Notable, Perceptible, Nula


9. BIBLIOGRAFÍA E WEBGRAFÍA

Como atopar emprego, Colección Obxectivos, Xunta de Galicia, 2007, Editorial Gárgola, SL 

10. COMPOÑENTES DE INTÉGRATE 2.O

Jeannina  Búa Devesa
Mercedes Cendán Vérez
Mª José Prado Bermúdez
Vanesa Souto André
Xosé Luis Trincado Álvarez

domingo, 28 de septiembre de 2014

Traballo grupal 1. Plan de Emprego Sostible.

PLAN DE EMPREGO SOSTIBLE


  1. Xustificación da proposta
A inserción das persoas paradas de longa duración no mercado laboral no Concello de Caldas de Reis, supón un avance importante para a Comarca. Nembargantes, son significativas e manifestas as diferenzas respecto ao ámbito formativo, e póñense de manifesto nos diferentes sectores da ocupación laboral.


Asemade, non podemos esquecer que a formación constitúe o principal instrumento para acadar a plena incorporación laboral, e non soamentes a educación regrada, senón tamén o coñecemento das novas tecnoloxías.


É por todo isto, polo que se precisa a posta en marcha de actuacións enfocadas a mellora da formación, fomentando a aprendizaxe permanente e ao acceso a medidas activas do mercado de traballo para as persoas paradas de longa duración, no que se desenvolvan programas axeitados ás novas oportunidades de emprego, e que se deseñen itinerarios formativos axeitados ás características do colectivo.


Dende este Plan de Emprego Sostible para o Concello de Caldas de Reis, é necesario adoptar unha serie de actuacións en materia de formación e emprego que faciliten a incorporación das persoas paradas de longa duración aó mercado laboral, potenciando a elección de oficios e profesións sostibles na comarca adapatadas ao seu contexto e posibilitando que poidan acceder a unha formación axeitada ás súas necesidades.


Este Plan de Emprego Sostible, xustificarase a raíz da Orde do 23 de decembro de 2013, pola que se establecen as reguladoras das axudas e subencións para os Obradoiros de Emprego dentro dos programas mixtos de emprego e formación da Comunidade Autónoma de Galicia.


  1. Datos do Concello
As dificultades para atopar traballo que ten a poboación galega que máis tempo leva anotada nas listas do Servizo Público de Emprego, non desapareceron, como amosa que das 40.978 persoas paradas menos rexistradas en Galicia entre febreiro e xullo -seis meses seguidos de descenso do desemprego na comunidade- soamentes 1.776 correspondían ao grupo de persoas paradas que levan máis de dous anos buscando ocupación.
Eses longos periodos sen ter un posto de traballo son os que provocan que as persoas desempregadas de longa duración esgoten as súas prestacións e subsidios e moitas delas se atopen con serias dificultades económicas. Pese a que as cifras do paro en Galicia son semellantes ás de outubro de 2011, as persoas sen ocupación que xa non cobran ningún tipo de axuda do Servizo Público de Emprego (SEPE) aumentaron en 26.000 nestos casi tres anos. Das 130.195 persoas galegas que sí perciben algún tipo de axuda por carecer de traballo (frente as 146.395 persoas de outubro de 2011), 57.886 persoas cobran o paro (a prestación contributiva), 59.460 o subsidio por desemprego de 426 euros ao mes e 12.849 a Renta Activa de Inserción (RAI), tamén dotada con 426 euros. Pola contra, as persoas beneficiarias da prestación contributiva cobran en Galicia unha media de 768,7 euros ao mes.
Por provincias, Pontevedra é a que conta con máis inscritos que carecen de cobertura por desemprego, con 49.586 das 101.298 totales, o que significa que o 49% das persoas paradas pontevedresas xa non cobra nin a prestación contributiva nin o subsidio nin a RAI. En outubro de 2011 atopábanse nesta situación 38.230 persoas desempregadas da provincia, o 39% do total, o que supón un aumento do 30%, con 11.356 persoas paradas de longa duración que carecen de ingresos económicos pola súa situación laboral.
A Coruña é a segunda provincia galega con máis persoas sen protección do Ministerio de Emprego, cun total de 48.065, 9.504 máis que en outubro de 2011, o que supón un aumento do 25% en menos de tres anos. A proporción de persoas paradas coruñesas sen ningún tipo de subsidio acadou en xuño deste ano o 49%.
Lugo, por outra banda, lidera xunto a Pontevedra o aumento porcentual das persoas desempregadas sen axudas económicas dependentes do SEPE, cun repunte do 30% dende outubro de 2011. Por aquela 8.548 persoas lucensas nesa situación, cifra que superou en xuño as 11.100, con 2.583 máis. A proporción de persoas paradas que non cobran subsidios subiu do 36% ao 45%.
No caso de Ourense o repunte das persoas profesionais anotadas no antigo INEM que carecen de prestación foi de 2.925 persoas, un 28%, ao pasar das 10.408 registradas fai case tres años ás 13.333 de fai dous meses. Agora o 48% das persoas desempregadas ourensás non cobran ningún subsidio, mentras que en outubro de 2011 a porcentaxe rozaba o 40%.
Feita esta breve contextualización sobre as provincias que constituen a nosa comunidade autónoma, imos a expór os datos sobre a poboación escollida, neste caso, Caldas de Reis.  Atópase situado ao suroeste de Galicia, concretamente, no noroeste da Provincia de Pontevedra, á que administrativamente pertence, e está composta por nove parroquias: Santa Mariña de Carracedo, San Clemente de César, San Andrés de César, San Estebo de Saiar, Santa María de Bemíl, Santiago de Godos, Santa Mariña de Arcos da Condesa, Santa María e Santo Tomás. En referencia aos límites, linda ao norte con Valga e Catoira, ao sur con Portas, ao leste con Moraña e Cuntis e ao Oeste con Vilagarcía de Arousa e intégrase na mancomunidade Ulla-Umia, que está formada polos concellos de Catoira, Pontecesures, Valga, Cuntis, Moraña e Portas.


Segundo o Instituto Galego de Estatística, Caldas de Reis conta con 10.019 habitantes empadroados, dos cales 4.846 son homes e 5.173 son mulleres. Do total da poboación, é importante engadir que son 6.561 as persoas que se atopan en idade de traballar (16-65 anos) que, disgregado por sexo, son 3.301 homes e 3.260 mulleres.


Tendo en conta que non contamos cunha taxa global do ano 2014, exporemos a relación de datos sobre o ano anterior para poder ter unha referencia sobre a globalidade do desemprego neste concello nun ano completo.


En relación ao datos referentes ao desemprego da poboación do Concello de Caldas de Reis do ano 2013, extraídos do Instituto Galego de Estatística, foron un total de 1.328 persoas as que estiveron nunha situación de desemprego durante ese ano, o que supón o 13.25% da poboación total. Disgregado o número de persoas desempregadas por sexo, hai máis homes que mulleres en situación de desemprego, sendo 706 os homes e 622 as mulleres.
No referente ao ano 2014, os datos dende xaneiro ata agosto son os seguintes:
  • Xaneiro: 1309, dos cales, 684 son homes e 625 mulleres
  • Febreiro: 1.314, dos cales 698 son homes e 616 mulleres
  • Marzo: 1279, dos cales 662 son homes e 617 mulleres
  • Abril: 1207, dos cales 618 son homes e 589 mulleres
  • Maio: 1193, dos cales 622 son homes e 571 mulleres.
  • Xuño: 1.150, dos cales 598 son homes e 552 mulleres.
  • Xullo:1136, dos cales 581 son homes e 555 mulleres.
  • Agosto: 1.102, dos cales 542 son homes e 560 mulleres.


Pode observarse que neste último período houbo un descenso do paro tanto en homes como en mulleres, o que seguramente se deba ao aumento de ofertas de emprego no sector servizos na época estival.


En canto aos datos que obtemos durante o ano 2013 por sector de actividade, é no sector servizos onde maior cantidade de persoas desempregadas hai, cun total de 601 persoas e, disgregadas por sexo, son 398 as mulleres e 203 os homes;  no sector da construción atopamos a 292 persoas, sendo maior o número de homes que de mulleres, 273 homes e 20 mulleres; no sector da agricultura congréganse un total de 49 persoas, 33 homes e 15 mulleres; en industria hai un total de 267 persoas, sendo 163 os homes e 104 as mulleres e, finalmente, sen emprego anterior, hai un total de 119 homes, sendo 34 os homes e 85 as mulleres.


Como pode verse, son o sector da construción máis o de servizos os que congregan o 67, 24 % da poboación parada no ano 2013.
No 2014, os datos por sector en agosto, último mes do que obtemos datos, son :
-   Agricultura: 58 parados, sendo 40 homes e 18 mulleres.
-   Industria: 192 parados, sendo 108 homes e 8 mulleres.
-   Construción:  194 parados, sendo 176 os homes e 18 mulleres.
-   Servizos: 552 parados, cun total de 184 homes e 368 mulleres.


Neste ano, como no anterior, son o sector da construción e máis servizos os que congregan a gran maioría da poboación parada, sendo un total de 67,69 % da poboación.


Seguindo cos datos do Instituto Galego de Estatística, obsérvase que o grupo de idade no que se concentra maior número de persoas en paro no ano 2013 e no de 30 a 34 anos no caso dos homes e de 35 a 39 anos, no caso das mulleres.  Síguelle o grupo de 40 a 44 anos e de 30 a 34 anos. Neste ano, no 2014, é no grupo de 35 a 39 anos onde máis xente se acumula, tanto homes como mulleres, habendo un aumento de vinte persoas en relación ao ano anterior.


Por tanto, o grupo con maiores dificultades de inserción no mercado laboral, en termos absolutos, é o de mulleres e homes de máis de 30 anos.


En resumen as características do desemprego en Caldas de Reis son:


  • O tramo de idade máis afectado polo desemprego é o de maiores de 30 anos tanto en homes como en mulleres.
  • Por actividade o desemprego afecta fundamentalmente ás mulleres no sector servizos, e os homes no sector da construción..
  • A industria afecta por igual a homes e mulleres, habendo unha diferenza de 50 persoas de media, sendo máis os homes.
  • As persoas sen emprego anterior que figuran como demandantes de emprego son maioritariamente mulleres.
A vista dos datos do desemprego faise necesario incidir máis que nunca naqueles colectivos máis necesitados. En primeiro lugar estaría o grupo de persoas situadas en tramos de idade de maiores de 30 anos.


  1. Especialidades das Escolas Obradoiro
En consecuencia co contexto comarcal e basándonos nas necesidades da comarca estableceranse dúas Escolas Obradoiro de carácter mixto:


  • Agricultura Ecolóxica
  • Carpintería. Mobles.


  1. Obxectivos
  • Favorecer a formación das persoas paradas de longa duración co fin de facilitar a súa incorporación e continuidade no mercado laboral e mellorar as súas oportunidades de emprego.
  • Impulsar e apoiar as iniciativas empresariais e de autoemprego promovidas polas persoas usuarias do Plan de Emprego.
  • Promover a inserción laboral das persoas paradas de longa duración do Concello de Caldas de Reis a través do establecemento de distintos dispositivos deseñados para a incorporación ao mercado laboral.
  • Dinamizar o principio de Igualdade de Oportunidades no proceso de capacitación e formación de persoas maiores, así como no acceso a este.
  • Sensibilización e dinamización da cidadanía de Caldas das medidas de conciliación da vida persoal, laboral e familiar existentes.
  • Creación de novos servizos e recursos sociocomunitarios e impulso e mellora dos xa existentes, que posibiliten a compatibilización da vida persoal, laboral e familiar para que as persoas participantes podan rematar o Plan de Emprego.
  • Potenciar a sensibilización da supensión das barreiras arquitectónicas do Concello que facilite a incorporación laboral.


  1. Propostas de acción.
  • Posta en marcha e continuidade sostible de obradoiros prelaborais no que capacitar as persoas paradas de longa duración das habilidades necesarias para a busca activa de emprego
  • Facilitar o acceso á formación das persoas usuarias con risco de exclusión social, adecuando a oferta ás súas necesidades.
  • Facilitar o acceso á formación nas novas tecnoloxías, como resposta ás novas demandas da sociedade e do mercado laboral.
  • Potenciar a formación ocupacional e complementaria, en sectores que se presenten como facilitadores da inserción laboral no concello de Caldas e alredores.
  • Facilitar a formación práctica en empresas ordinarias da Comarca.
  • Informar e prestar asesoramento sobre os dereitos e obrigas derivados das súas relacións laborais, así como o relativo a outras temáticas propias da súa relación coa empresa.
  • Informar sobre os servizos e recursos existentes en materia de apoio as persoas emprendedoras.
  • Informar e orientar sobre as axudas existentes das distintas administracións públicas en materia de autoemprego.
  • Posta en marcha e continuidade de servizos de inserción socio-laboral dirixidos as persoas paradas de longa duración con especiais dificultades para acceder ao mercado laboral.
  • Establecemento de visitas ás empresas con motivo de coñecer as posibles ofertas laborais e de informar das vantaxes e incentivos á contratación de persoas pertencentes a colectivos desfavorecidos, e dos incentivos para o autoemprego.
  • Deseño en colaboración cos centros educativos de actividades de sensibiliazción e dinamización que fomenten a corresponsabilidades de tódalas persoas de unidade convencional nas tarefas domésticas
  • Deseño en colaboración cos centros educativos dun calendario escolar para a compatibilización e conciliación da vida persoal, laboral e familiar da cidadanía do Concello de Caldas de Reis.
  • Deseño e execución de programas que permitar adiantar o horario de entradas nos centros educativos, ao comezo das xornadas escolares, ofrecendo alternativas de almorzo no centros.
  • Deseño e exución de servizos de atención domiciliaria dirixido a unidades familiares con especiais dificultades.
  • Fomentar servizos dirixidos a persoas dependentes (servizo de axuda no fogar, acompañamento de persoas con efermidades crónicas, teleasistencia, etc.)
  • Eliminar a presenza de trabas de acceso aos transportes públicos e de barreiras arquitectónicas no deseño urbanístico e dos edificios de uso público, atrancos que impiden o dificultan a libre circulación e persoas con mobilidade reducida ou daquelas encargadas da realización de certa tarefas.


INTÉGRATE 2.0



ACCIÓNS
Donde e Como?

Explicación
Actividade 1:
Reunión en..


Actividade 2:


Actividade 3:



Actividade 4:



Actividade 5:



Actividade 6:





  1. Metodoloxía
Fundamentaremos a metodoloxía seguindo as boas prácticas, seguindo estratexias que consigan situar as persoas usuarias do Plan de Emprego no centro da toma das súas decisións. Involucrandoas  e facendo pleno uso das mesmas.


Os criterios metodolóxicos tentan ser sinxelos e prágmáticos, para acadar a funcionalidade e o aprendizaxe significativo sempre dendo a crítica constructiva para acadar o cambio que constrúa a igualdade e a isonomía no ámbito laboral e profesional.


Utilizaremos o mainstreaning de xénero ao longo de todo o proceso de realización do Plan de Emprego para a mellora, deesenvolvemento e avaliación o Plan, de xeito que a perspectiva de xénero se incorpore a todas e cada unha das fases e etapas.


  1. Temporalización
O plan terá unha duración de 6 meses. Onde a distribución terá unha parte teórica e práctica que se establecerá segundo as necesidades detectadas na primeira avaliación inicial das persoas convocadas para a realización do mesmo.


  1. Axentes implicados
O persoal formador será seleccionado por unha comisión segundo establece a Orde mencionada anteriormente: Duas persoas do Concello e duas persoas da Xunta de Galicia (dirección, titoría, profesorado e persoal auxiliar administrativo).


INTÉGRATE 2.0



FUNCIÓNS
Unidades

Explicación/Perfil
Coordinación xeral
6 meses
7 horas/día

Oficial técnico/a 1
3 meses
(aproximadamente)
7 horas/día
contratación específica para a implantación do proxecto.
Oficial técnico/a 2
3 meses
(aproximadamente)
7 horas/día
contratación específica para a implantación do proxecto.
Asistente técnico/a
3 meses
(aproximadamente)
7 horas/día
contratación específica para a implantación do proxecto.


  1. Localización do Obradoiro
Realizarase nos locais e espazos habilitados para tal fin polo Concello de Caldas de Reis.


  1. Avaliación
Para a medición da implantación do Plan de Emprego Sostible para o Concello de Caldas de Reis é necesario levar a cabo un seguimento e avaliación de cada unha das actuacións realizadas, atendendo tanto a avaliación cuantitativa e como a unha avaliación cualitativa.


Con este fin elaboraremos unha serie de instrumentos que permitan obter datos cuantitativos, tendo en conta no seu deseño, a participación tanto das persoas destinatarias coma do persoal encargado da súa planificación e execución.


Os obxectivos e accións recollidos no Plan de Emprego Sostible do  Concello de Caldas de Reis, requiren dun seguimento para determinar a efectividade no sociedade desta comarca.


Así, determínanse como obxectivos desta avaliación os seguintes:


  • Determinar os puntos fortes e débiles dos recursos e servizos dispoñibles, co fin de mellorar a súa calidade
  • Detectar novas necesidades co fin de articular os instrumentos necesarios para satisfacelas
  • Definir plans estratéxicos de actuacións en función dos resultados acadados.


A avaliación deste Plan de Emprego Sostible polo tanto, ten carácter continuo e alongo prazo, xa que os obxectivos para acadar sostenibilidade planificarase en dúas fases, a primeira comprendida no Obradoiro de Emprego descrito e a segunda iría encamiñada aos cursos AFD (Acción Formativas para persoas Desempregadas) encamiñados a Creación de empresas.


Polo tanto contemplaremos as seguintes fases avaliativas:


Avaliación Inicial; Valorar a idoneidade dos obxectivos, contidos e da temporalización segundo as persoas usuarias seleccionadas.


Avaliación continua: Farase de cada unha das actividades co fin de introducir as correccións e rectificacións precisas e/ou necesarias no suposto de que o resultado acadado non fose o desexado e implantación daqueles que pola súa validez preséntense coma un xeito correcto de actuación.


Avaliación final: Realizarase ao remate da execución do Plan de Emprego Sostible unha avaliación final que permitirá coñecer tanto os resultados obtidos como o grao de execución das actuacións previstas e o seu impacto na sociedade de Caldas de Reis.


  1. Bibliografía
  • Plan de Igualdade do Concello de Abegondo, Concello de Abegondo, (2005).
  • Mainstreaming de Género, Marco conceptual, metodología y presentación de “buenas prácticas”. Instituto de la Mujer, Madrid, (1999).
  • Guía de buenas práctica en género, Fundación Comarcal Valdeorras, (2008).
  • Orden do 23 de decembro de 2013, pola que se establecen as bases reguladoras das axudas e subencións para os obradoiros de emprego dentro dos programas mixtos de emprego e formación da Comunidade Autónoma de Galicia, e se procede a súa convocatoria para o ano 2014.


Autoría do Plan de Emprego Sostible para o Concello de Caldas de Reis:


Bua Devesa, Jeannina
Cendán Vérez, Mercedes
Prado Bermúdez, Mª José
Souto André, Vanesa
Trincado Álvarez, Xosé Luis